କଟକ: କ୍ରମାଗତ ତୃତୀୟ ବର୍ଷ ପାଇଁ ମାରୁତି ଦ୍ଵାରା ଆରେନା ପାଇଁ ରୟାଲ୍ ପ୍ଲାଟିନମ୍ ଡିଲର ତଥା ନେକ୍ସା ପାଇଁ ଏକ ଓମେଗା ଡିଲର ଭାବରେ ସ୍ଵୀକୃତି ପ୍ରାପ୍ତ ତୁସି ମୋଟର୍ସ ପକ୍ଷରୁ କମିଶନରେଟ୍ ପୁଲିସ୍ ଓ ଇଣ୍ଡିଆନ ରେଡକ୍ରସ ସୋସାଇଟି ସହଯୋଗରେ ଏକ ରକ୍ତଦାନ ଶିବିର ଆୟୋଜନ କରିଥିଲା। କଟକ ମଙ୍ଗଳାବାଗରେ ଥିବା ଟୁସି ମୋଟର୍ସ ମିଟିଂ ହଲରେ ଆୟୋଜିତ ଏହି ଶିବିର ସକାଳ ସାଢେ ୯ଟାରୁ ଆରମ୍ଭ ହୋଇଥିଲା । ପ୍ରାୟ ୧୦୦ରୁ ଉର୍ଦ୍ଧ୍ବ ରକ୍ତଦାତା ଅଂଶଗ୍ରହଣ କରିଥିଲେ। ଯେଉଁଥିରେ ତୁସି ମୋଟର୍ସ କର୍ମଚାରୀ, ଗ୍ରାହକ ଏବଂ ଅନ୍ୟ ସମ୍ପ୍ରଦାୟର କର୍ମକର୍ତ୍ତା ନିଜକୁ ଅନ୍ତର୍ଭୁକ୍ତ କରିଥିଲେ । କାର୍ଯ୍ୟକ୍ରମରେ ତୁସି ମୋଟର୍ସର ପରିଚାଳନା ନିର୍ଦ୍ଦେଶିକା ପ୍ରୀତି ପଲ୍ଲଭି ପଟ୍ଟନାୟକ ଏବଂ ନିର୍ଦ୍ଦେଶକ ଅଂଶୁମାନ ପଟ୍ଟନାୟକ ଉପସ୍ଥିତ ଥିଲେ ।ଅତିଥି ଭାବେ ପୁଲିସ କମିଶନର ସଞ୍ଜୀବ ପଣ୍ଡା, କଟକ ଡିସିପି ପ୍ରକାଶ ଆର୍, ଡିସି ଟ୍ରାନ୍ସପୋର୍ଟ,କଟକ ବିରଞ୍ଚି ନାରାୟଣ ଆଧିକାରୀ, କଟକ ଅତିରିକ୍ତ ଡିସିପି ଅନୀଲ କୁମାର ମିଶ୍ର , ଆଇଆରସିଏସ୍ ଡିସି ତଥା ଯୁଗ୍ମ ସଚିବ ଲଲିତେନ୍ଦୁ ମହାନ୍ତି, ଏସିପି ଜୋନ୍-୨,କଟକ ଗିରିଜା ଶଙ୍କର ଚକ୍ରବର୍ତ୍ତୀ, ଜୋନ୍-୩ ଏସିପି ପ୍ରଦୀପ କୁମାର ରାଉତ, ଜୋନ୍-୫ ଏସିପି କୃଷ୍ଣ ଚନ୍ଦ୍ର ସେଠୀ, ଜୋନ୍-୬ ଏସିପି ସ୍ବସ୍ତିକ ପଣ୍ଡାଙ୍କ ସହ ଅନ୍ୟ ଉଚ୍ଚ ପଦାଧିକାରୀମାନେ ଯୋଗଦେଇଥିଲେ।ଇଣ୍ଡିଆନ୍ ରେଡ୍କ୍ରସ୍ ସୋସାଇଟିର ରକ୍ତ ଯୋଗାଣ ଉଦ୍ୟମକୁ ସମର୍ଥନ ଏବଂ ରକ୍ତ ଦାନ ସଚେତନ କରିବା ପାଇଁ ଏହି ଶିବିର ଆୟୋଜନ କରାଯାଇଥିଲା। ପ୍ରୀତି ପଲ୍ଲଭି ଏହି ଦୃଢ଼ ମତଦାନ ପାଇଁ ରେଡକ୍ରସ୍ ଏବଂ ସ୍ଥାନୀୟ ପୁଲିସକୁ ଧନ୍ୟବାଦ ଜଣାଇଛନ୍ତି। ଏହି କାର୍ଯ୍ୟକ୍ରମରେ ସାମାଜିକ ଦାୟିତ୍ଵ ଏବଂ ସମାଜ ସେବା ପ୍ରତି ତୁସି ମୋଟର୍ସଙ୍କ ପ୍ରତିବଦ୍ଧତା ଦର୍ଶାଯାଇଛି।‘ଆମର କର୍ମଚାରୀ,ଗ୍ରାହକ ଏବଂ ସମ୍ପ୍ରଦାୟର ବିପୁଳ ସମର୍ଥନ ପାଇଁ ଆମେ କୃତଜ୍ଞ। ଏହି ରକ୍ତଦାନ ଶିବିର ସମାଜକୁ ଫେରିବା ପାଇଁ ଆମର ସାମୂହିକ ପ୍ରୟାସର ପ୍ରମାଣ ଅଟେ ବୋଲି ଶ୍ରୀମତୀ ପଟ୍ଟନାୟକ କହିଛନ୍ତି।