ଭୁବନେଶ୍ବର: ପଟିଆ ସ୍ଥିତ ଇନଫୋସିସ୍ ଏଭରେ ରୋଜ୍ ଟ୍ରାନ୍ସଫରମେସନ ଉଦଘାଟିତ ହୋଇଯାଇଛି। ଅତିଥି ଭାବେ ଭୂବନେଶ୍ବର ମେୟର ସୁଲୋଚନା ଦାସ, ବିଧାୟକ ତଥା ଅଭିନେତା ଆକାଶ ଦାସନାୟକ ଓ ଅଭିନେତ୍ରୀ ଅନୁ ଚୌଧୁରୀ ଯୋଗଦେଇ ଏହାକୁ ଉଦଘାଟନ କରିଥିଲେ। ଏହି ଅବସରରେ ସଂସ୍ଥାର ପ୍ରତିଷ୍ଠାତା ତଥା କସ୍ମେଟୋଲୋଜିଷ୍ଟ ଡାଃ ରୋଜାଲିନ୍ ପରିଡା କହିଛନ୍ତି ଯେ ବର୍ତ୍ତମାନ ସମୟରେ ଆମେ ଯେଉଁ ଜଙ୍କ୍ ଫୁଡ୍ ହେଉ ଅବା ରସାୟନିକ ପଦାର୍ଥ ମିଶା ଖାଦ୍ୟ ଖାଉଛୁ ତାହାର କୁ ପ୍ରଭାବ ଆମ ଶରୀର ଉପରେ ପଡୁଛି। ୨୦ରୁ ୨୫ ବର୍ଷ ବୟସରେ ଯୁବପିଢୀମାନଙ୍କ ଚର୍ମ ଓ କେଶରେ ପରିବର୍ତ୍ତନ ଆସୁଛି। ସେମାନଙ୍କ ସମସ୍ୟାର ସମାଧାନ କରିବ ରୋଜ୍ ଟ୍ରାନ୍ସଫରମେସନ। ଆମେ ବିଜ୍ଞାନ ଓ ପ୍ରକୃତିକୁ ମିଶ୍ରଣ କରି ପ୍ରାକୃତିକ ପଦ୍ଧତିରେ ସମାଧାନ କରିବୁ। ଏହା ହେଉଛି ଏକ ଡିଟକ୍ସ ଏବଂ କୃପା କେନ୍ଦ୍ର ଯେଉଁଠାରେ ଆମେ ସମସ୍ତ ଡିଟକ୍ସ ଏବଂ ଓ୍ବେଲନେସ କାର୍ଯ୍ୟକ୍ରମ ସ୍ୱାସ୍ଥ୍ୟ ପାଇଁ, ଯେପରିକି ଇନଫ୍ରାରେଡ ସୌନା, ମଡ୍ ଥେରାପି, ଭିକି ସାଓ୍ବାର ଲିମ୍ଫାଟିକ୍ ମସାଜ୍, ଶରୀର ଡିଟକ୍ସ ପ୍ରୋଗ୍ରାମ୍, ସ୍ଲିମିଂ କାର୍ଯ୍ୟକ୍ରମ, ଚର୍ମ ଚିକିତ୍ସା, କେଶ ଚିକିତ୍ସା, ସମସ୍ତ ପ୍ରାକୃତିକ ଉପାୟ ଏବଂ ପ୍ରାକୃତିକ ଉତ୍ପାଦ ଅନ୍ତର୍ଭୁକ୍ତ ରହିଛି। ଆମେ ଆମର ଗ୍ରାହକ ମାନଙ୍କୁ ସର୍ବୋତ୍ତମ ଫଳାଫଳ ଦେବା ପାଇଁ ପ୍ରାଚୀନ ଜ୍ଞାନ ସହିତ ମର୍ଡନ୍ ବିଜ୍ଞାନକୁ ଅନ୍ତର୍ଭୁକ୍ତ କରୁଛୁ। ସମସ୍ତେ ଏହି ସେବାର ଲାଭ ଉଠାଇବାକୁ ଡାଃ ରୋଜାଲିନ୍ ଅନୁରୋଧ କରିଛନ୍ତି।