ଭୁବନେଶ୍ୱର: ସାଧାରଣ ନିର୍ବାଚନ ଘୋଷଣା ହେବାର କିଛି ଦିନପରେ ଗତ ୪ ଦିନ ଧରି ଲଗାତର ଭାବେ ନବୀନ ନିବାସ ଆଗରେ ଦେଖିବାକୁ ମିଳୁଛି ଭିଡ । ଶହ ଶହ ନେତାଙ୍କ ସହ କର୍ମୀଙ୍କ ଭିଡ ଦେଖିବାକୁ ମିଳୁଛି ନବୀନ ନିବାସ ଆଗରେ ।ଆଜି ବିଜେଡିରେ ସାମିଲ ହୋଇଛନ୍ତି ମୀରା ପରିଡା ।
ଆଜି ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ନିଜ ସମର୍ଥକଙ୍କ ସହ ବିଜେଡିରେ ଯୋଗ ଦେଇଛନ୍ତି ମୀରା ପରିଡା । ବେଗୁନିଆ ବିଧାନସଭା ଆସନରୁ ଲଢିବା ପାଇଁ ମୀରା ପରିଡା ଟିକେଟ ଆଶାୟୀ ରହିଥିବା ଚର୍ଚ୍ଚା ହେଉଥିଲା ।ଯଦି ନବୀନ ନୂଆ ଚେହେରା ଉପରେ ଭରସା କରିବେ, ତେବେ ମୀରାଙ୍କୁ ଟିକେଟ ଦେଇପାରନ୍ତି ବୋଲି ଚର୍ଚ୍ଚା ହେଉଛି ।
ମୁଖ୍ୟମନ୍ତ୍ରୀ ଙ୍କୁ ଫୁଲତୋଡା ଦେଇ ସ୍ୱାଗତ ଜଣାଇଲେ ସେ କହିଲେ ଯେ ସେବା ମୋର କର୍ତବ୍ଯ,ସେବା ପାଇଁ ଆଜି ଏକ ନୂତନ ଅଧ୍ଯାୟ ଆରମ୍ଭ ହେଲା ବିଜୁବାବୁଙ୍କ ସ୍ବପ୍ନ ଓ ଅଧୁରା କାର୍ଯ୍ୟକୁ ଗତି ଦେବା ସହ ଓଡ଼ିଶାକୁ ଦେଶର ଅନ୍ୟତମ ଶ୍ରେଷ୍ଠ ରାଜ୍ୟରେ ପରିଣତ କରିବାରେ ତାଙ୍କ ସୁପୁତ୍ର ତଥା ରାଜ୍ୟର ସର୍ବପ୍ରିୟ ମୁଖ୍ୟମନ୍ତ୍ରୀ ଦିନରାତି ପ୍ରଚେଷ୍ଟାରତ । କହିବା ବାହୁଲ୍ୟ, ଓଡ଼ିଶାର ବିକାଶରେ ବିଜୁବାବୁଙ୍କ ଦୂରଦୃଷ୍ଟିର ଯେମିତି ପଟାନ୍ତର ନାହିଁ, ସେଭଳି ନବିନବାବୁଙ୍କ ଶ୍ରେଷ୍ଟତ୍ଵର ବି ବିକଳ୍ପ ନାହିଁ। ଆଜି ନବୀନ ବାବୁଙ୍କୁ ମୋର ଶତକୋଟି ପ୍ରଣାମ ଓ ରାଜ୍ୟବାସୀଙ୍କୁ ମୋର ଅଭିନନ୍ଦନ ବୋଲି ମୀରା ପରିଡା କହିଛନ୍ତି ।