ଭୁବନେଶ୍ୱର : ପଟିଆ କିଟ୍ ଛକରେ ‘ବଙ୍ଗୱେଲ କ୍ଲିନିକ୍ ଆଣ୍ଡ୍ ସ୍ପା’ ଉଦ୍ଘାଟିତ ହୋଇଯାଇଛି । କାଦମ୍ବିନୀର ସଂପାଦିକା ଡ଼.ଇତି ସାମନ୍ତ ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟନ କରି ବିଙ୍ଗୱେଲ’ର ଏହି ନିଆରା ଶୈଳୀର ସେବାକୁ ଭୁୟସୀ ପ୍ରଶଂସା କରିଥିଲେ । ସମ୍ମାନିତ ଅତିଥି ଭାବେ ଚର୍ମ ଏବଂ କେଶ ବିଶେଷଜ୍ଞ ଡ଼.ଐଶ୍ୱର୍ଯ୍ୟା ବେଦି ଓ ଆଦହିପ୍ ଜୈନ ପ୍ରମୁଖ ଯୋଗ ଦେଇଥିଲେ । ଏହି ଅବସରରେ ‘ବିଙ୍ଗୱେଲ’ର ପ୍ରତିଷ୍ଠାତା ବିଜୟଲକ୍ଷ୍ମୀ ରାଉତ କହିଛନ୍ତି ବର୍ତ୍ତମାନ ସମୟରେ ରାଜଧାନୀ ଯୁବପିଢୀଙ୍କର ସାଲୁନ ଓ ସ୍ପା ପ୍ରତି ଅଧିକ ରୁଚି ରହିଥିଲେ ମଧ୍ୟ ଗୋଟିଏ ସ୍ଥାନରେ ସେମାନଙ୍କୁ ସମସ୍ତ ସୁବିଧା ମିଳିପାରୁନି । ଯୁବପିଢୀଙ୍କ ଚାହିଦାକୁ ଦୃଷ୍ଟିରେ ରଖି ବିଙ୍ଗୱେଲ ସେମାନଙ୍କର ଆବଶ୍ୟକତା ପୁରଣ କରିପାରିବ । ଏଠାରେ ସମସ୍ତ ପ୍ରକାରର ଚର୍ମ, କେଶ ଏବଂ ଶରୀର ସମ୍ବନ୍ଧୀୟ ସମସ୍ୟାର ସର୍ଭିସ ପାଇପାରିବେ । ଏହା ସହ ସମସ୍ତ ପ୍ରକାରର ସାଲୁନ୍ ଏବଂ ସ୍ପାର ସର୍ଭିସ ରହିଛି । ସବୁଠାରୁ ବଡ଼ କଥା ହେଲା ଗ୍ରାହକଙ୍କୁ ଏଠାରେ କେବଳ ସର୍ଭିସ୍ ମିଳିବ ତାହା ନୁହେଁ ସେମାନଙ୍କୁ ଉପଯୁକ୍ତ ଟ୍ରେନିଂ ମଧ୍ୟ ଦିଆଯିବ । ଯେଉଁମାନେ ଚାହିଁବେ ଏଠାରେ ୯୦ ଓ ୧୬୦ ଦିନର ଟ୍ରେନିଂ ନେଇପାରିବେ । ଟ୍ରେନିଂ ଶେଷ ହେବାପରେ ସେମାନଙ୍କୁ ସାର୍ଟିଫିକେଟ୍ ସହ ବିଭିନ୍ନ କମ୍ପାନୀରେ ଚାକିରୀ ସୁଯୋଗ ସହ ବେତନ ମିଳିବ । ସ୍ୱଳ୍ପ ମୂଲ୍ୟରେ ଏହି ସବୁ ସୁବିଧା ଏଠାରେ ଉପଲବ୍ଧ ହେବ । ୨୦ ଜଣ ଦକ୍ଷ ଟ୍ରେନର୍ ଗ୍ରହକଙ୍କୁ ଟ୍ରେନିଂ ସହ ସର୍ଭିସ୍ ଯୋଗାଇ ଦେବେ । ଏହା ପ୍ରଥମ ଶାଖା ହୋଇଥିବା ବେଳେ ଆଗାମୀ ଦିନରେ ଅନ୍ୟ ସହରମାନଙ୍କରେ ଖୋଲାଯିବାକୁ ଲକ୍ଷ୍ୟ ରଖାଯାଇଛି । ଏହି ଉଦ୍ଘାଟନୀ କାର୍ଯ୍ୟକ୍ରମରେ ଅନ୍ୟତମ ପ୍ରତିଷ୍ଠାତା ହେମଲତା ପାଢୀ ଉପସ୍ଥିତ ରହିଥିଲେ ।