ରାଜ୍ୟରେ ୫୦ ଛୁଇଁଲା ଆକ୍ରାନ୍ତଙ୍କ ସଂଖ୍ୟା

ଓଡିଶା ନ୍ୟୁଜ୍ ଟୁଡେ ବ୍ୟୁରୋ :

ରାଜ୍ୟରେ ଗତକାଲି ଆଉ ଦୁଇ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ଓଡିଶା ସରକାରଙ୍କ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି । ଏହି ଦୁଇ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୫୦ ଜଣ କରୋନା ଭୂତାଣୁ ଦ୍ୱାରା ସଂକ୍ରମିତ ହୋଇଥିବା ସ୍ପଷ୍ଟ ହୋଇଛି । ଏଯାଏଁ ରାଜ୍ୟରେ ୩ ହଜାର ୫୪୭ ନମୁନା ପରୀକ୍ଷା କରାଯାଇଛି । ସେପଟେ ରାଜ୍ୟରେ ସୁସ୍ଥ ହେଲେ ଆଉ ୧୦ଜଣ କରୋନା ଆକ୍ରାନ୍ତ ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ସୁସ୍ଥ ଲୋକଙ୍କ ତାଲିକାରେ ଭୁବନେଶ୍ୱରର ୫ ଜଣ, ଭଦ୍ରକର ୨ ଜଣ ସମେତ କଟକ, ପୁରୀ ଯାଜପୁରରୁ ଜଣେ ଲେଖାଏଁ ସୁସ୍ଥ ହୋଇଛନ୍ତି । ଗତକାଲି ୧୦ଜଣ ସୁସ୍ଥ ହୋଇଥିବା ବେଳେ ପୂର୍ବରୁ ୨ଜଣ ସୁସ୍ଥ ହୋଇ ଘରକୁ ଫେରିଦିଲେ।ତେବେ ବର୍ତମାନ ପରିସ୍ଥିତିରେ ମହାମାରିର ମୁକାବିଲା ପାଈ ରାଜ୍ୟ ସରକାରଙ୍କ ତରଫରୁ ଯେଉ ପଦକ୍ଷେପ ମାନ ଗ୍ରହଣ କରାଯାଇଛି ତାହାକୁ ବିଭିନ୍ନ ମହଲରେ ପ୍ରସଂସା କରାଯାଇଛି।