ନୂଆଦିଲ୍ଲୀ: ଲୋକସଭା ଏବଂ ବିଧାନସଭା ନିର୍ବାଚନ ହେବା ପାଇଁ ତାରିଖ ଘୋଷଣା କଲେ ନିର୍ବାଚନ କମିଶନର। ଆସନ୍ତା ଏପ୍ରିଲ ୧୧ରୁ ୭ଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ।ତେବେ ଓଡ଼ିଶା ବିଧାନସଭା ଏବଂ ଲୋକସଭା ଆସନ ପାଇଁ ୪ଟି ପର୍ଯ୍ୟାୟରେ ଭୋଟ ଗ୍ରହଣ ହେବ। ପ୍ରଥମ ପର୍ଯ୍ୟାୟରେ ଏପ୍ରିଲ ୧୧ ରେ ୪ଟି ଲୋକସଭା ଓ ୨୮ ଟି ବିଧାନସଭା ଆସନ,ଦ୍ବିତୀୟ ପର୍ଯ୍ୟାୟରେ
୧୮ଏପ୍ରିଲରେ ୫ଟି ଲୋକସଭା ଏବଂ ୩୫ ଟି ବିଧାନସଭା ଆସନ, ତୃତୀୟ ପର୍ଯ୍ୟାୟରେ ଏପ୍ରିଲ ୨୩ ରେ ୬ ଟି ଲୋକସଭା ଏବଂ ୪୨ ଟି ବିଧାନସଭା ଆସନ, ଚତୁର୍ଥ ପର୍ଯ୍ୟାୟରେ ଏପ୍ରିଲ ୨୯ ରେ ୬ ଟି ଲୋକସଭା ଏବଂ ୪୨ ଟି ବିଧାନସଭା ଆସନ ପାଇଁ ମତଦାନ ହେବ । ତେବେ ଭୋଟ ଗଣନା ଆସନ୍ତା ମେ ୨୩ ରେ ହେବ ବୋଲି ମୁଖ୍ୟ ନିର୍ବାଚନ କମିଶନର ସୁନିଲ ଆରୋରା ସୂଚନା ଦେଇଛନ୍ତି। ଆଗାମୀ ନିର୍ବାଚନରେ ୮୯ କୋଟି ୭୧ ଲକ୍ଷ ଭୋଟର ଅଂଶଗ୍ରହଣ କରିବେ। ସେଥି ମଧ୍ୟରୁ ପୁରୁଷ ଭୋଟର ୪୬ କୋଟି ୫୦ ଲକ୍ଷ,ମହିଳା ଭୋଟର ୪୩ କୋଟି ୨୦ ଲକ୍ଷ ଏବଂ ଥାର୍ଡ ଜେଣ୍ଡର ୩୩ ହଜାର ୧୦୯ ମତଦାତା ରହିଛନ୍ତି। ଦେଶର ୧୦ ଲକ୍ଷ 35ହଜାର ୯୩୨ ମତଦାନ କେନ୍ଦ୍ରରେ ଭୋଟ ଗ୍ରହଣ ହେବ।
ଚଳିତ ଥର ପ୍ରଥମ ଥର ପାଇଁ ଇଭିଏମରେ ପ୍ରାର୍ଥୀଙ୍କ ଫଟୋ ସ୍ଥାନ ପାଇବ। ତେବେ ଓଡ଼ିଶାରେ ୩୭ ହଜାର ୬୦୬ ମତଦାନ କେନ୍ଦ୍ରରେ ଭୋଟ ଗ୍ରହଣ ହେବ। ପ୍ରାର୍ଥୀଙ୍କ ଲାଗି ନିର୍ବାଚନ କମିଶନଙ୍କ ପକ୍ଷରୁ ହେଲପ୍ ଲାଇନ ନମ୍ବର ୧୯୫୦ ଜାରି କରାଯାଇଛି। ତେବେ ୨୦୧୪ ରେ ଓଡ଼ିଶାର ବିଧାନସଭା ଏବଂ ୨୧ ଟି ଲୋକସଭା ଆସନ ପାଇଁ ୨ଟି ପର୍ଯ୍ୟାୟରେ ନିର୍ବାଚନ ଅନୁଷ୍ଟିତ ହୋଇଥିଲା।
Breaking
ମୁଖ୍ୟମନ୍ତ୍ରୀଙ୍କୁ ଭେଟିଲେ ମମତା ବାନାର୍ଜୀବିଶ୍ବ ଜଳ ଦିବସ ଅବସରରେ ସମ୍ବାଦ ଡିଜିଟାଲ୍ ର ବି-ସ୍କୁଲ୍ ଛାତ୍ରଛାତ୍ରୀଙ୍କ ପାଇଁ ପ୍ରତିଯୋଗିତା ଘୋଷଣାWATCO observed ‘World Water Day 2023’Ramadan 2023: 5 ways you can enjoy Iftar if you have diabetesState’s First Digital Reading Corner for Visually Challenged Girl Students inaugurated at Rama Devi Women’s University