ନୂଆଦିଲ୍ଲୀ:ରାଫେଲକୁ ନେଇ ତୁମ୍ବିତୋଫାନ ଚାଲିଥିବା ବେଳେ ବିବାଦକୁ ନେଇ ଆସିଛି ନୂଆ ମୋଡ । ସୁପ୍ରିମକୋର୍ଟରେ ଶୁଣାଣି ବେଳେ କେନ୍ଦ୍ର ସରକାର ପକ୍ଷରୁ ଆଟର୍ଣ୍ଣିଂ ଜେନେରାଲ ପକ୍ଷ ରଖି କହିଛନ୍ତି, ପ୍ରତିରକ୍ଷା ମନ୍ତ୍ରଣାଳୟରୁ ରାଫେଲ ସମ୍ପର୍କିତ କିଛି କାଗଜପତ୍ର ଚୋରି ହୋଇଯାଇଛି । ନିର୍ଦ୍ଦିଷ୍ଟ ଖବରକାଗଜରେ ଯେଉଁ ଗୋପନୀୟ କାଗଜ କଥା ଛପାଯାଇଛି ତା ଉପରେ କାର୍ଯ୍ୟାନୁଷ୍ଠାନ ହେବା ଦରକାର ବୋଲି ସୁପ୍ରିମକୋର୍ଟରେ ଏଜି କେ.କେ ବେଣୁଗୋପାଳ କହିଛନ୍ତି ।ପ୍ରତିରକ୍ଷା ମନ୍ତ୍ରଣାଳୟରୁ ତଥ୍ୟ ଚୋରି କରାଯାଇ ମାମଲାର ଜଟିଳ ଓ ଆଗକୁ ବଢାଯାଇଛି । ଏହି ମାମଲା ଅତି ଗୁରୁତ୍ୱପୂର୍ଣ୍ଣ ଓ ସଂପୃକ୍ତ ଖବରକାଗଜ କିଛି ଗୋପନୀୟ ତଥ୍ୟକୁ ସାର୍ବଜନୀନ କରିଛି ।ରାଫେଲ ମାମଲାର ଶୁଣାଣି ବେଳେ ଆବେଦନକାରୀ ପ୍ରଶାନ୍ତ ଭୂଷଣ ୮ ପୃଷ୍ଠାର ନୋଟ କୋର୍ଟକୁ ଦେଖାଇଥିଲେ ଓ ଏ ନେଇ ନୂଆ ପ୍ରମାଣ ଗ୍ରହଣ କରାଯିବନି, ପୁରଣା ତଥ୍ୟ ଆଧାରରେ ହି ଶୁଣାଣି ହେବ ହେବ ବୋଲି ରୋକ୍ଠୋକ୍ ଶୁଣାଇଛନ୍ତି ମାନ୍ୟବର କୋର୍ଟ । ବେଣୁଗେପାଳ ଆହୁରି କହିଥିଲେ, ମାମଲାର ନ୍ୟାୟିକ ସମୀକ୍ଷା ହେଲେ ଭବିଷ୍ୟତର କ୍ରୟ ଉପରେ ଖରାପ ପ୍ରଭାବ ପଡିବ । ସେ କହିଥିଲେ, କିଛି ମିଡିଆ ରିପୋର୍ଟ କୋର୍ଟକୁ ପ୍ରଭାବିତ କରିବାକୁ ଉଦ୍ୟମ କରୁଛନ୍ତି । ଗତବର୍ଷ ଡିସେମ୍ବରରେ ରାଫେଲ ମାମଲାର ଶୁଣାଣି କରି ରାଫେଲ କିଣାରେ କୌଣସି ଗଡବଡ ହୋଇନାହିଁ ବୋଲି ସୁପ୍ରିମ୍କୋର୍ଟ କହିଥିବା ବେଳେ ଆଜି ବିବାଦକୁ ନେଇ ଆସିଛି ନୂଆ ମୋଡ। ତେଣୁ ପ୍ରତିରକ୍ଷା ମନ୍ତ୍ରାଳୟରୁ ରାଫେଲର ଗୋପନୀୟ କାଗଜ ଗାୟବ୍ ହବା ସାଧାରଣରେ ଅନେକ ପ୍ରଶ୍ନ ଠିଆ କରିଛି।
Breaking
ICC job mela from 27 th julyICC organises ‘Live Viewing of Union Budget 2024-25’Workshop & Training on ‘ Biomedical & Health Research and Clinical Trial Rules’ Held at PRM Medical College and Hospital, BaripadaSamsung Launches New Foldable Phones Galaxy Z Fold6 and Z Flip6 to Elevate Galaxy AI to New HeightsIIMT felicitates Prof Raj Kumar Buyya.