Breaking News

ଆଜି ବିବାହ ବନ୍ଧନରେ ଆବଦ୍ଧ ହେବେ ବାଜିରାଓ-ମସ୍ତାନି

0

ମୁମ୍ବାଇ: ଆଜି ବିବାହ ବନ୍ଧନରେ ଆବଦ୍ଧ ହେବେ ବି-ଟାଉନର ଚର୍ଚ୍ଚିତ ପ୍ରେମୀ ଯୁଗଳ ରଣବୀର ସିଂ ଓ ଦୀପିକା ପାଦୁକୋନ୍। ଟ୍ରାଡିସିନାଲ୍‌ ବିୟୁଟି ଦୀପିକା ପାଦୁକୋନଙ୍କ ହାତ ଧରିବେ ରଣବୀର ସିଂ ।ଏଥିପାଇଁ ଇଟାଲୀର ପ୍ରସିଦ୍ଧ କୋମୋ ହ୍ରଦରେ ଥିବା ଡେଲ୍‌ ବାଲବିଆନେଲୋ ରିସୋର୍ଟ ଚଳଚଞ୍ଚଳ ହୋଇଉଠିଛି। ୨ ଦିନ ଧରି ହେବାକୁ ଥିବା ଏହି ଗ୍ରାଣ୍ଡ ସେଲିବ୍ରେସନ ପାଇଁ ପ୍ରାୟ ୭୫ଟି ରୁମ୍‌ ବୁକ୍‌ ହୋଇଛି। ଇଟାଲୀର ଲେକ୍‌ କୋମୋରେ ଏହି ହାଇପ୍ରୋଫାଇଲ୍‌ ବିବାହ ଅନୁଷ୍ଠିତ ହେଉଛି । ବିବାହ ଉତ୍ସବକୁ ସ୍ମରଣୀୟ କରିବାକୁ ରଣବୀର ଓ ତାଙ୍କର ୧୪ଜଣ ସମ୍ପର୍କୀୟ ଓ ବନ୍ଧୁଙ୍କ ସହ ରିସୋର୍ଟରେ ସି ପ୍ଲେନରେ ଅବତରଣ କରିବେ। ଆଉ ଏଥିପାଇଁ ରିସୋର୍ଟକୁ ଆକର୍ଷଣୀୟ ଢଙ୍ଗରେ ସଜାଯାଇଛି।ବିବାହରେ ହାତ ଗଣିତ କିଛି ଅତିଥିଙ୍କୁ ଉଭୟ ପରିବାର ନିମନ୍ତ୍ରଣ କରିଛନ୍ତି । ଆଜି ଓ ଆସନ୍ତାକାଲି ଦୁଇ ଦିନ ବିବାହ ଉତ୍ସବ ଚାଲିବ । ଦୁଇ ଷ୍ଟାର ଅଲଗା ଅଲଗା ସମ୍ପ୍ରଦାୟରୁ ହୋଇଥିବାରୁ ଦୁଇ ଥର ବିବାହ ପର୍ବ ଅନୁଷ୍ଠିତ ହେବ ।ଦୀପିକା ଦକ୍ଷିଣ ଭାରତୀୟ ହୋଇଥିବାରୁ ଆଜି ପ୍ରଥମେ ସାଉଥ୍‌ ପରମ୍ପରା ଅନୁସାରେ ଉଭୟେ ବିବାହ କରିବେ । ସେହିପରି ରଣବୀର ସିନ୍ଧି ପଞ୍ଜାବୀ ପରିବାର ହୋଇଥିବାରୁ ଆସନ୍ତାକାଲି ପଞ୍ଜାବୀ ରୀତିନୀତିରେ ହେବ ବିବାହ । ବିବାହରେ ଯୋଗ ଦେବାକୁ ଶାହାରୁଖ ଖାନ୍‌, ସଞ୍ଜୟ ଲୀଲା ଭନସାଲୀ, ଆଦିତ୍ୟ ଚୋପ୍ରା, କରଣ ଜୋହର ଓ ଫରହା ଖାନଙ୍କୁ ନିମନ୍ତ୍ରଣ କରାଯାଇଛି ।

Leave A Reply

Your email address will not be published.