Breaking

ଶିବାନନ୍ଦ ଶତବାର୍ଷିକ ବାଳକ ଉଚ୍ଚବିଦ୍ୟାଳୟର ୩୦ତମ ବାର୍ଷିକ କ୍ରୀଡା ଅନୁଷ୍ଠିତ

0

ଭୁବନେଶ୍ବର:ଖଣ୍ଡଗିରି ସ୍ଥିତ ଶିବାନନ୍ଦ ଶତବାର୍ଷିକ ବାଳକ ଉଚ୍ଚବିଦ୍ୟାଳୟ ପରିସରରେ ତାର ୩୦ତମ ବାର୍ଷିକ କ୍ରୀଡା ପ୍ରତିଯୋଗିତା ଉଦ୍ଯାପିତ ହୋଇଯାଇଅଛି । ଶିକ୍ଷା ବିଭାଗର ଅତିରିକ୍ତ ସଚିବ ଶୁଭଶ୍ରୀ ନନ୍ଦ ୧୮ ତାରିଖ ଦିନ ଆନୁଷ୍ଠାନିକ ଭାବେ କ୍ରୀଡା ପ୍ରତିଯୋଗିତାକୁ ଉଦଘାଟନ କରିଥିଲେ । ବିଦ୍ୟାଳୟର କ୍ରିଡା ଶିକ୍ଷକ ଅଶୋକ କୁମାର ରାଉତରାୟ ଶିକ୍ଷକ ମାନଙ୍କ ସହାୟତାରେ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ । ଆଜି ଉଦ୍ଯାପନି ଉତ୍ସବରେ ଶ୍ରୀ ମଧୁସୁଦନ ପାଢୀ ରାଜ୍ୟପାଳଙ୍କ ମୁଖ୍ୟ ଶାସନ ସଚିବ ଏବଂ ଶ୍ରୀଯୁକ୍ତ କୃଷ୍ନ ରଞନ ପତି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଶ୍ରୀଯୁକ୍ତ ପାଢୀ ତାଙ୍କ ଭାଷଣରେ ଶାରିରୀକ ଶିକ୍ଷା କିପରି ପିଲାମାନଙ୍କର କିପରି ଶାରୀରିକ, ମାନସିକ ଏବଂ ନୈତିକ ଗୁଣବଳୀ ବିକାଶରେ ସହାୟକ ହୁଏ ସେ ବିଷୟରେ କହିଥିଲେ । ଶ୍ରୀଯୁକ୍ତ ସତ୍ୟେନ୍ଦ୍ର ନାରାୟଣ ତ୍ରିପାଠୀ ଅବସର ପ୍ରାପ୍ତ ପ୍ରଶାସନିକ ଅଧିକାରୀ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ । ବିଦ୍ୟାଳୟର ସଂପାଦକ ସ୍ୱାମୀ ଶିବଚିଦାନନ୍ଦ ମହାରାଜ କ୍ରିଡା ମାଧ୍ୟମରେ ଦେଶ ଏବଂ ଜାତିର ସେବା କରିବା ପାଇଁ କହିଥିଲେ । ଏହି ଉତ୍ସବରେ ଜଗନ୍ନାଥ ସଂସ୍କୃତିର ପ୍ରତିଷ୍ଠାତା ଶ୍ରୀ ଗୋପିନାଥ ମହାନ୍ତି ଦାସ ଫାଉଣ୍ଡେସନର ପ୍ରତିଷ୍ଠାତା ଡ. ଏସ୍ ଦାସ , ଗୈାରହରି ମିଶ୍ର ବିଜୟ କୁମାର ମହାନ୍ତି , କଶାନଲାଲ ଅଗ୍ରବାଲ ଏବଂ ବହୁ ମାଣ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ । ସିନିୟର ବିଭାଗରେ ବାଦଲ କୁମାର ପ୍ରଧାନ ଏବଂ ଦେବାଶିଷ ମହନ୍ତ ଯୁଗ୍ମ ଚମ୍ପିୟନ ହୋଇଥିବା ବେଳେ ଯଶୋବନ୍ତ ମୁଣ୍ଡା ଜୁନିୟର ବିଭାଗରେ ଚମ୍ପିୟନ ହୋଇଥିଲେ । ପିଲାମାନଙ୍କ ଦ୍ୱାରା ରଙ୍ଗାରଙ୍ଗ କାର୍ଯ୍ୟକ୍ରମ ପ୍ରଦର୍ଶନ କରାଯାଇଥିଲା ।
ବିଦ୍ୟାଳୟର ଅଧ୍ୟକ୍ଷ ପ୍ରଫୁଲ୍ଲ କୁମାର ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।

loading...

Leave A Reply

Your email address will not be published.