କେନ୍ଦ୍ରାପଡ଼ା:ଗ୍ରାମସଭାରେ ଯୁବକଙ୍କୁ ଉଲଗ୍ନ କରି ନିର୍ଧୁମ ପିଟିଲେ ଗାଁଲୋକ। ଏହା ସହ ୨ ଲକ୍ଷ ଟଙ୍କା ଜରିମାନା ନିର୍ଦ୍ଦେଶ ଦିଆଯାଇଛି। ଘଟଣା ଘଟିଛି କେନ୍ଦ୍ରାପଡ଼ା ରାଜନଗର ତାଳଚୁଆ ମେରାଇନ୍ ଥାନା ରେକ୍ଟା ଗାଁରେ । ଏହି ଗାଁର ସଦାନନ୍ଦ ଜେନାଙ୍କ ପୁଅକୁ ସରପଂଚ ଏବଂ ଗ୍ରାମର କିଛି ଲୋକ ପଂଚାୟତ କାର୍ଯ୍ୟାଳୟ ପରିସରରେ ଲଙ୍ଗଳା କରି କାଠଫାଳିଆରେ ମାଡ ମାରିଥିଲେ । ଏଥିସହ ତାଙ୍କ ଉଲଗ୍ନ ଭିଡିଓକୁ ସୋସିଆଲ ମିଡିଆରେ ଭାଇରାଲ କରିଥିଲେ ।
ମିଳିଥିବା ସୂଚନା ଅନୁସାରେ ଏହି ଯୁବକ ଜଣଙ୍କ ଶିକାରୀପାହି ଗ୍ରାମର ବୁଲୁ ଜେନାଙ୍କ ନିକଟରେ କାମ କରୁଥିଲେ । ବୁଲୁଙ୍କ ଝିଅ ସହ ତାଙ୍କର ପ୍ରେମ ସମ୍ପର୍କ ଗଢି ଉଠିଥିଲା । ଏହା ପରେ ଉକ୍ତ ଯୁବକ ଜଣଙ୍କ ବୁଲୁ ଜେନାଙ୍କ ଝିଅକୁ ନେଇ ଭୁବନେଶ୍ୱର ଚାଲିଆସିଥିଲେ । ଗତକାଲି ତାଳଚୁଆର ୭ରୁ ୮ଜଣ ଲୋକ ଯୁବକଙ୍କୁ ଭୁବନେଶ୍ୱରରୁ ଗାଁକୁ ଆଣିଥିଲେ । ଏହା ପରେ ଆରମ୍ଭ ହୋଇଥିଲା କଙ୍ଗାରୁକୋର୍ଟ ।ମାଡ ଖାଇଥିବା ଯୁବକଙ୍କୁ ଗୁରୁତର ଅବସ୍ଥାରେ ରାଜନଗର ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାିଛି। ଏନେଇ ଯୁବକଙ୍କ ବଡଭାଇ ତାଳଚୁଆ ସାମୁଦ୍ରିକ ଥାନାରେ ଏତଲା ଦେଇଛନ୍ତି ।