Breaking News

ଚାଷି ଘରେ ପହଞ୍ଚିଲା କାଳିଆ

0

ଭୂବନେଶ୍ବର:କାଳିଆ ଯୋଜନାରେ ଚାଷୀଙ୍କୁ ଆର୍ଥିକ ପ୍ରୋତ୍ସାହନ ତଥା ସହାୟତା ରାଶି ଯୋଗାଇବାର ପ୍ରକ୍ରିୟାକୁ ପୁରୀ ସମାବେଶରେ ଆରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଯୋଜନା କେବଳ ଯେ, ଓଡ଼ିଶାର ଅର୍ଥନୀତିକୁ ବୃଦ୍ଧି କରିବ ନାହିଁ ବରଂ ୩ ବର୍ଷରେ ୬ଟି ଋତୁ ପାଇଁ ଚାଷୀଙ୍କ ଚାଷ କାର୍ଯ୍ୟକୁ ସୁନିଶ୍ଚିତ କରିବ ବୋଲି କହିଛନ୍ତି ନବୀନ । ଏହି କାଳିଆ ଯୋଜନାରେ,ଖରିଫ ପାଇଁ ଅକ୍ଷୟ ତୃତୀୟ ଦିନ ଚାଷୀଙ୍କୁ ମିଳିବ ୫ ହଜାର ଟଙ୍କାଓ ରବି ଫସଲ ପାଇଁ ନୂଆଁଖାଇ ଦିନ ମିଳିବ ଆଉ ୫ ହଜାର ଟଙ୍କା।ରାଜ୍ୟର ୯୨ ପ୍ରତିଶତ ଚାଷୀ ଏହି କାଳିଆ ଯୋଜନାରେ ଉପକୃତ ହେବେ। ଆଜି ଠାରୁ ଚାଷି ମାନଙ୍କ ଖାତାକୁ ଟଙ୍କାବି ପହଞ୍ଚି ସାରିଛି। ଏମିତିକି ଚାଷୀଙ୍କ ମୋବାଇଲକୁ ପହଂଚିବାରେ ଲାଗିଛି ମ୍ୟାସେଜ୍ । ଆଜିଠାରୁ ରାଜ୍ୟର ୧୨ ଲକ୍ଷ ୪୫ ହଜାର ଚାଷୀଙ୍କ ଖାତାକୁ ଡିବିଟି ମାଧ୍ୟମରେ ସିଧାସଳଖ ୫ ହଜାର ଟଙ୍କା ଯିବା ଆରମ୍ଭ ହୋଇଛି । ଆସନ୍ତାକାଲିଠୁ ପର୍ଯ୍ୟାୟକ୍ରମେ ଯୋଗ୍ୟ ହିତାଧିକାରୀଙ୍କ ପାଖକୁ ପହଂଚିବ କାଳିଆ ପ୍ରୋତ୍ସାହନ।ତେବେ ଏହି କାଳିଆ ଯୋଜନା କୁ କେହିବି ରୋକି ପାରିବେ ନାହି ବୋଲି ମୁଖ୍ୟମନ୍ତ୍ରୀ ଦୃଢୋକ୍ତି ପ୍ରକାଶ କରିଛନ୍ତି।ଏହା ଦ୍ବାରା କେବଳ ଯେ ଅର୍ଥନିତି ସୁଦୃଢ ହେବ ତା ନୁହେ ଏହି ରାଜ୍ୟର ଚାଷି ମାନଙ୍କ ଆର୍ଥିକ ମାନଦଣ୍ଡକୁ ଅଧିକ ମଜଭୁତ କରିବ ବୋଲି ଦମ୍ଭୋକ୍ତି ବାଢିଛନ୍ତି ମୁଖ୍ୟମନ୍ତ୍ରୀ ।ତେବେ ଏହି ମହତ୍ବାକାକ୍ଷି ଯୋଜନା କେମିତି ରୂପାୟନ ହେଉଛି ତିହି ଦେଖିବା ବାକି ରହିଲା।

Leave A Reply

Your email address will not be published.