ଗୋଆ : ଆରପାରିରେ ଗୋଆ ମୁଖ୍ୟମନ୍ତ୍ରୀ ମନୋହର ପାରିକର । ଦୀର୍ଘ ଦିନ ଧରି ଅସୁସ୍ଥ ଥିବା ମନୋହର ପାରିକର ଆଜି ଗୋଆର ଏକ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କର ବୟସ ୬୩ ବର୍ଷ ବୟସ ହୋଇଥିଲା । ମନୋହର ପାରିକର ଦୀର୍ଘଦିନ ଧରି ଆଗ୍ନାଶୟ ରୋଗରେ ପୀଡିତ ଥିଲେ ।ଏହାପୂର୍ବରୁ ସେ ମୋଦି ସରକାରରେ ପ୍ରତିରକ୍ଷା ମନ୍ତ୍ରୀ ଭାବେ ଦାୟିତ୍ୱ ତୁଲାଇ ସାରିଛନ୍ତି । ଗତକାଲି ଠାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଆଜି ତାଙ୍କର ଦେହାନ୍ତ ହୋଇଛି । ଦୀର୍ଘଦିନ ଚିକିତ୍ସିତ ହୋଇ ଆସୁଥିବା ପାରିକରଙ୍କ ଦିନକୁ ଦିନ ସ୍ୱାସ୍ଥ୍ୟବସ୍ଥା ଖରାପ ହୋଇଚାଲିଥିବା ବେଳେ ତାଙ୍କୁ ପୂର୍ବରୁ ଆମେରିକାରେ ମଧ୍ୟ ଚିକିତ୍ସିତ କରାଯାଇଥିଲା । ଏପରିକି ତାଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ଆଣିବା ପାଇଁ ଡାକ୍ତର ମାନେ ଚେଷ୍ଟା କରିଥିଲେ ମଧ୍ୟ ଏଥିରେ ବିଫଳ ହୋଇଥିଲେ ।