Breaking News

ବିଜେପି ଭୁବନେଶ୍ୱର ଜିଲ୍ଲା କାର୍ଯ୍ୟକର୍ତ୍ତାଙ୍କ ଇସ୍ତଫା

ମୁଷ୍ଟିମେୟ ନ୍ୟସ୍ତ ସ୍ୱାର୍ଥବାଦୀଙ୍କ ହାତରେ ଓଡ଼ିଶା ବିଜେପି : ଜିଲ୍ଲା ଉପସଭାପତି

0

ଭୁବନେଶ୍ୱର:ଭାରତୀୟ ଜନତା ପାର୍ଟି (ବିଜେପି) ଭୁବନେଶ୍ୱର ଜିଲ୍ଲା ଉପସଭାପତି ଶ୍ରୀ ପୁରଞ୍ଜନ ପାଢ଼ୀ, ରାଜ୍ୟ କାର୍ଯ୍ୟକାରିଣୀ ସଦସ୍ୟା ତଥା ପୂର୍ବତନ ଜିଲ୍ଲା ସଭାନେତ୍ରୀ ଶ୍ରୀମତୀ ମିନାକ୍ଷୀ ପ୍ରିୟଦର୍ଶନୀ, ଜିଲ୍ଲା ସମ୍ପାଦକ ଶ୍ରୀ ସଦାଶିବ ଜେନା ଓ ତାଙ୍କ ସହିତ ଶତାଧିକ କାର୍ଯ୍ୟକର୍ତ୍ତା, ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ଭାରତୀୟ ଜନତା ପାର୍ଟି (ବିଜେପି)ରୁ ଇସ୍ତଫା ପ୍ରଦାନ କରିଛନ୍ତି ।
ଜିଲ୍ଲା ଉପସଭାପତି ପୁରଞ୍ଜନ ପାଢ଼ୀ ସମ୍ମିଳନୀରେ ବିଜେପିର ବରିଷ୍ଠ ନେତାଙ୍କ ବିରୁଦ୍ଧରେ ଅଭିଯୋଗ ଆଣି କହିଛନ୍ତି ଯେ, ଦଳ ନୀତି, ଆଦର୍ଶରୁ ଦୂରେଇ ଯାଇ କିଛି ମୁଷ୍ଟିମେୟ ସ୍ୱାର୍ଥବାଦୀଙ୍କ ଦ୍ୱାରା କୁପରିଚାଳିତ ହେଉଅଛି । ପ୍ରକୃତ କାର୍ଯ୍ୟକର୍ତ୍ତାଙ୍କୁ ବିଭିନ୍ନ କ୍ଷେତ୍ରରେ ଅଣଦେଖା କରାଯାଉଅଛି । ରାଜ୍ୟ କାର୍ଯ୍ୟକାରିଣୀ ସଦସ୍ୟା ତଥା ପୂର୍ବତନ ଜିଲ୍ଲା ମହିଳା ମୋର୍ଚ୍ଚା ସଭାନେତ୍ରୀ ମିନାକ୍ଷୀ ପ୍ରିୟଦର୍ଶନୀ ଅଭିଯୋଗ କରିଛନ୍ତି ଯେ, ମହିଳାମାନେ ସମାଜରେ ଅସୁରକ୍ଷିତ ବୋଲି ବି.ଜେ.ପି. ଅଭିଯୋଗ ଆଣୁଥିବା ବେଳେ ଦଳ ଭିତରେ ମହିଳା କାର୍ଯ୍ୟକର୍ତ୍ତା ଅସମ୍ମାନିତ, ଅପମାନିତ ଓ ଅବହେଳିତ ।
ସେହିପରି ଜିଲ୍ଲା ସମ୍ପାଦକ ଅଭିଯୋଗ କରିଛନ୍ତି ଯେ, ମୁଷ୍ଟିମେୟ ସ୍ୱାର୍ଥବାଦୀ ନେତାମାନେ କେନ୍ଦ୍ରମନ୍ତ୍ରୀଙ୍କ ନାଁ’କୁ ବ୍ୟବହାର କରି ଦଲାଲରାଜ, ଏକଛତ୍ରବାଦ ଓ ଅରାଜକତା ସୃଷ୍ଟି କରୁଛନ୍ତି । ଦଳର ନୀତି, ଆଦର୍ଶକୁ ଜଳାଞ୍ଜଳି ଦେଇ ବ୍ୟକ୍ତି କୈନ୍ଦ୍ରିକ ସ୍ୱାର୍ଥକୁ ଗୁରୁତ୍ୱ ଦେଉଛନ୍ତି । କାର୍ଯ୍ୟକର୍ତ୍ତାମାନେ ଭବିଷ୍ୟତରେ କେଉଁ ରାଜନୈତିକ ଦଳକୁ ଯିବେ ସେ ସମ୍ପର୍କରେ ନିଷ୍ପତ୍ତି ନନେଇଥିବା ପ୍ରକାଶ କରିଛନ୍ତି ।

Leave A Reply

Your email address will not be published.