ଧାମରା : ଛାତ୍ରଛାତ୍ରୀମାନଙ୍କୁ ଉଚ୍ଚଶିକ୍ଷା ଯୋଗାଇଦେବା ଲକ୍ଷ୍ୟ ନେଇ ଆଦାନୀ ଫାଉଣ୍ଡେସନ ତରଫରୁ ଚଳିତ ବର୍ଷର ଆଦାନୀ ମେଧାବୃତ୍ତି ପ୍ରଦାନ କରାଯାଇଛି । ଏହିବର୍ଷ (୨୦୧୮) ୧୦ମ ଶ୍ରେଣୀ ପରୀକ୍ଷାରେ ୭୫% ରୁ ଊଦ୍ଧ୍ୱର୍ ନମ୍ବର ରଖି କୃତକାର୍ଯ୍ୟ ହୋଇଥିବା ୨୭ ଜଣ ଛାତ୍ରଛାତ୍ରୀଙ୍କୁ ଆଦାନୀ ମେଧାବୃତ୍ତି ପ୍ରଦାନ କରାଯାଇଅଛି । କରଞ୍ଜମାଳ ପଞ୍ଚାୟତସ୍ଥିତ ଏସ୍ଏସ୍ ନିଗମାନନ୍ଦ ଉଚ୍ଚ ବିଦ୍ୟାଳୟ ପରିସରରେ ଏକ ବର୍ଣ୍ଣାଢ୍ୟ କାର୍ଯ୍ୟକ୍ରମରେ ଧାମରା ପୋର୍ଟ ଉପସଭାପତି (କର୍ପୋରେଟ୍ ଆଫାୟେର୍ସ) ଜଗତ ପରିଜା ଯୋଗଦେଇ କୃତୀ ଛାତ୍ରଛାତ୍ରୀଙ୍କୁ ମେଡାଲ ପିନ୍ଧାଇବା ସହ ମାନପତ୍ର ଓ ଚେକ୍ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ବନ୍ଦର ପାଶ୍ୱର୍ବର୍ତ୍ତୀ ୮ ଟି ପଞ୍ଚାୟତ ଅଧିନସ୍ଥ ୯ଟି ଉଚ୍ଚ ବିଦ୍ୟାଳକୟର ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ଛାତ୍ରଛାତ୍ରୀଙ୍କୁ ପ୍ରୋତ୍ସାହିତ କରିଥିଲେ । ୨୦୦୯ ମସିହାରୁ ଏହି କାର୍ଯ୍ୟକ୍ରମକୁ ବନ୍ଦର କର୍ତ୍ତୃପକ୍ଷ ଆରମ୍ଭ କରି ୧୦୦ ରୁ ଊଦ୍ଧ୍ୱର୍ ଛାତ୍ରଛାତ୍ରୀଙ୍କୁ ଏହି ମେଧାବୃତ୍ତି ପ୍ରଦାନ କରାଯାଇଛି । ଏହି କାର୍ଯ୍ୟକ୍ରମର ଫଳସ୍ୱରୂପ ଅନେକ ଛାତ୍ରଛାତ୍ରୀ ମେଡିକାଲ, ଇଞ୍ଜିନିୟରିଂ ଓ ଶିକ୍ଷାକ୍ଷେତ୍ରରେ ନିଜର କ୍ୟାରିଅର ସଫଳତାର ସହ ଗଢି ପାରିଛନ୍ତି । ଯେଉଁ ଗରୀବ ପରିବାରର ମେଧାବୀ ଛାତ୍ର ଆର୍ଥିକ ଦୂରବସ୍ଥା ଯୋଗୁ ଉଚ୍ଚଶିକ୍ଷାରୁ ବଞ୍ଚିତ ହେଉଥିଲେ, ଏହାଦ୍ୱାରା ସେମାନେ ଉପକୃତ ହେବା ସଙ୍ଗେ ସଙ୍ଗେ ନିଜର ଭବିଷ୍ୟତ ଗଢି ତୋଳିପାରିଛନ୍ତି ବୋଲି ଉପସ୍ଥିତ ଶିକ୍ଷକମାନେ ମତପ୍ରକାଶ କରିଥିଲେ । ବନ୍ଦରର ଏହି ପ୍ରକାର କାର୍ଯ୍ୟକ୍ରମକୁ ବୁଦ୍ଧିଜୀବୀ, ଅଭିଭାବକ, ଛାତ୍ରଛାତ୍ରୀ ଓ ଶିକ୍ଷକ ସମାଜ ବହୁ ପ୍ରଂଶସା କରିଛନ୍ତି । ସୂଚନାଯୋଗ୍ୟ, ଧାମରା ପୋର୍ଟ ଏହାର ସାମାଜିକ ଦାୟିତ୍ୱବୋଧ ଅନ୍ତର୍ଗତ ଶିକ୍ଷାର ଗୁଣାତ୍ମକ ବିକାଶ ଦିଗରେ ବହୁ କାର୍ଯ୍ୟକ୍ରମ ହାତକୁ ନେଇଛି ସେଥିମଧ୍ୟରୁ ଛାତ୍ରବୃତ୍ତି ଅନ୍ୟତମ । ଆଦାନୀ ଫାଉଣ୍ଡେସନ ତରଫରୁ ଏହି କାର୍ଯ୍ୟକ୍ରମଟିକୁ ଉତ୍ତମ ଭାବେ ସଂଯୋଜନା କରାଯାଇଥିଲା । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବହୁ ପ୍ରମୁଖ ମାନ୍ୟଗଣ୍ୟ ବ୍ୟକ୍ତି, ଅଭିଭାବକ, ବନ୍ଦର ଅଧିକାରୀ, ବିଭିନ୍ନ ବିଦ୍ୟାଳୟର ଶିକ୍ଷକମାନେ ଉପସ୍ଥିତ ରହିଥିଲେ । ।