Breaking

ସମସ୍ତ କଳ୍ପନାର ଅନ୍ତ ଘଟିଲା : ପଦ୍ମ ଧରିଲେ ଦାମ ରାଉତ

ଏଥର ଲୁଣି ପାଣିରେ ଫୁଟିବ ପଦ୍ମ : ଦାମ

0

ଭୁବନେଶ୍ଵର:ସବୁ କଳ୍ପନା ଜଳ୍ପନାର ଅନ୍ତ ଘଟାଇ ପଦ୍ମ ଧରିଛନ୍ତି ବରିଷ୍ଠ ନେତା ତଥା ପାରାଦୀପ ବିଧାୟକ ଦାମୋଦର ରାଉତ । ଗେରୁଆ ରଙ୍ଗରେ ରଙ୍ଗୀନ ହେଲେ ଦାମ । ନୂଆଦିଲ୍ଲୀରେ ବିଜେପି ମୁଖ୍ୟାଳୟରେ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ରାଜ୍ୟ ପ୍ରଭାରୀ ଅରୁଣ ସିଂଙ୍କ ଉପସ୍ଥିତିରେ ପଦ୍ମ ଧରିଛନ୍ତି ଦାମୋଦର ରାଉତ । ଏହା ପରେ ସେ ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହାଙ୍କୁ ଦାମ ସାକ୍ଷାତ କରିବେ। ବୈଜୟନ୍ତଙ୍କ ପରେ ଏବେ ଦାମ ସାମିଲ ହେବା ବିଜେପିର ଶକ୍ତିକୁ ଆହୁରି ବୃଦ୍ଧି କରିଛନ୍ତି।ବିଜେଡିରେ ଥିବା ବେଳେ ଦାମ ଅନେକ ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାରେ ରହୁଥିଲେ। ତାଙ୍କର ବିବାଦୀୟ ବୟାନ ଦଳକୁ ଅଡୁଆରେ ପକାଉଥିଲା। ଏହା ସହିତ ସେ ସରକାରଙ୍କ କଳା କାରନାମାର ପର୍ଦ୍ଦାଫାଶ କରିଥିଲେ। ପାରାଦୀପର ଲୁଣି ପାଣିରେ କେବେ ପଦ୍ମ ଫୁଲ ଫୁଟିବା ନାହିଁ ବୋଲି କହି ଆସୁଥିବା ଦାମ ଗତଥର ଦିଲ୍ଲୀରେ ଫେରିବା ପରେ କହିଥିଲେ ଯେ, ବୈଷୟିକ ଜ୍ଞାନ କୌଶଳ ଅସମ୍ଭବକୁ ମଧ୍ୟ ସମ୍ଭବ କଲାଣି | ତେଣୁ ପାରାଦୀପର ଲୁଣି ପାଣିରେ ପଦ୍ମ ଫୁଟିବା ସମ୍ଭବ |

Leave A Reply

Your email address will not be published.