Breaking

କଟକଣା ଲଗାଇଲା କମିସନରେଟ ପୋଲିସ

ନିର୍ବାଚନ ପ୍ରଚାର ପାଇ ଜାରିକଲା ଗାଇଡଲାଇନ୍

0

ଭୁବନେଶ୍ବର :ନିର୍ବାଚନ ପାଇ ଚାଲିଛି ସଜବାଜ । ଦଳୀୟ କାର୍ଯ୍ୟାଳୟରେ ପ୍ରାର୍ଥିଙ୍କ ଲମ୍ବାଲାଇନ୍ । ଭୋଟରଙ୍କ ମନ ଜିଣିବା ପାଇ ଆଗକୁ ପ୍ରାର୍ଥୀମାନେ କରିବେ ରୋଡ଼ସୋ ଓ ଘନଘନ ସଭା। ନିର୍ବାଚନକୁ ଦୃଷ୍ଟିରେ ରଖି କମିସନରେଟ୍ ପୋଲିସ ଆଡ଼ଭାଇଜରି ଜାରି କରାଯାଇଛି। ନିର୍ବାଚନ ପର୍ଯ୍ୟନ୍ତ ବିଭିନ୍ନ ରାଜନୈତିକ ଦଳ ମାନେ କରିବାକୁ ଥିବା ଶୋଭାଯାତ୍ରାରେ ଓ ସାଧାରଣ ସଭାରେ କ’ଣ କରିବେ ଓ କ’ଣ ନକରିବେ ସେନେଇ ପାଠ ପଢାଇଛି କମିସନରେଟ ପୋଲିସ ।ନିର୍ବାଚନୀ ଶୋଭାଯାତ୍ରାରେ କେତେ ଲୋକ ଓ କେତେ ଗାଡି ବ୍ୟବହାର ହେଉଛି ସେନେଇ ପୋଲିସକୁ ଆଗୁଆ ସୂଚନା ଦେବେ ପ୍ରାର୍ଥୀ । ଦଶଟି ଗାଡିରୁ ଉର୍ଦ୍ଧ୍ୱ ଗାଡି ପ୍ରାର୍ଥୀ ରାଲିରେ ବ୍ୟବହାର କରିପାରିବେନାହି । ପ୍ରାର୍ଥୀଙ୍କ ଗାଡି ପୋଲିସ ଯେଉଁ ରୁଟ ପାଇଁ ଅନୁମତି ଦେବ ସେଇ ରୁଟରେ ଯିବାଆସିବା କରିବ । ୧୦ରୁ ଅଧିକ ଗାଡି ରାଲିରେ ସାମିଲ ହେଲେ ୧୦୦ ମିଟର ବ୍ୟବଧାନରେ ଗାଡି ରଖିବେ । ସାଧାରଣ ଲୋକ ଯେପରି ଅସୁବିଧାରେ ନ ପଡନ୍ତ ତେଣୁ ଶୋଭାଯାତ୍ରା ହେଉଥିବା ସମୟରେ ରାସ୍ତାର ଅଧା ଭାଗ ସାଧାରଣ ଲୋକଙ୍କ ଯିବା ଆସିବା ପାଇଁ ଖାଲିରହିବ । ଯାତ୍ରୀ ତଥା ସାଧାରଣ ଲୋକଙ୍କ ସୁରକ୍ଷାକୁ ପ୍ରାଥମିକ ଗୁରୁତ୍ୱ ଦିଆଯିବ । ଶୋଭାଯାତ୍ରା ବାଣ ଫୁଟାଇ ପାରିବେ ନାହି।ଏତତ୍ ବ୍ୟତିତ ବ୍ୟବହାର ହେଉଥିବା ଡାକବାଜି ନିର୍ବାଚନ କମିସନଙ୍କ ନିୟମ ଅନୁସାରେ ହି ସ୍ଥିର ହେବ। ରୋଡ ସୋ କରୁଥିବା ବେଳେ ସେଥିରେ ସ୍କୁଲ ପିଲାଙ୍କୁ ସାମିଲ କରାଯାଇପାରିବ ନାହି । ସର୍ବାଧିକ ୬ଫୁଟ ଚଉଡା ୪ଫୁଟ ଲମ୍ବର ବ୍ୟାନର ବ୍ୟବହାର ଓ କୌଣସି ପ୍ରକାର ଲାଠିର ବ୍ୟବହାର ଉପରେ କଟକଣା ଲାଗିଛି । ନିୟମର ବେଖାତିର କିମ୍ବା ଅବମାନନା କଲେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ରୋକ୍ଠୋକ୍ ସୁଣାଇଛି କମିସନରେଟ ପୋଲିସ।

Leave A Reply

Your email address will not be published.