ଭୁବନେଶ୍ୱର:କେରଳରେ ପ୍ରକୃତିର କରାଳ ରୂପ ଦେଖିବାକୁ ମିଳିଛି । ବର୍ଷାର ତାଣ୍ଡବ ସହିତ ବନ୍ୟାର ବିତ୍ପାତରେ ଦୁର୍ବିସହ ହୋଇପଡ଼ିଛି କେରଳବାସୀଙ୍କ ଜୀବନ । ପ୍ରଳୟଙ୍କାରୀ ବନ୍ୟାରେ ୭୦ରୁ ଉର୍ଦ୍ଧ୍ୱ ଲୋକଙ୍କ ପ୍ରାଣ ଯାଇ ସାରିଥିବାବେଳେ ହଜାର ହଜାର ଲୋକ ବାସହରା ହୋଇପଡ଼ିଛନ୍ତି ।ଗତକାଲିଠାରୁ ଆସନ୍ତା ଶନିବାର ପର୍ଯ୍ୟନ୍ତ କୋଟି ବିମାନ ବନ୍ଦରକୁ ବନ୍ଦ ରଖାଯାଇଛି । ଏହାସହ ଆଜି ସକାଳୁ ହିଁ କୋଚି ମେଟ୍ରୋ ସେବା ବନ୍ଦ ରଖିଛି ସ୍ତାନୀୟ ପ୍ରଶାସନ । ଏର୍ଣ୍ଣାକୁଲମରେ ଆଜି ସକାଳୁ ପ୍ରବଳ ବର୍ଷା ଲାଗି ରହିଛି ।ଏଭଳି ସ୍ଥିତିରେ କେରଳରେ ବନ୍ୟା ପୀଡିତଙ୍କ ଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହାୟତା ରାଶି ଘୋଷଣା । ସେଠାକାର ଜନସାଧାରଣ ପାଇଁ ନବୀନ ୫କୋଟି ଟଙ୍କାର ସହାୟତା ରାଶି ଘୋଷଣା କରିଥିବା ସୂଚନା ମିଳିଛି । ସାରା ଭାରତରୁ କେରଳ ଲାଗି ସହାୟତା ଦିଆଯାଉଥିବା ସୂଚନା ମିଳିଛି ।
