ଓଡିଶା ନ୍ୟୁଜ୍ ଟୁଡେ ବ୍ୟୁରୋ:
ଆରମ୍ଭ ହେଲା ତୋଷାଳି ଜାତୀୟ ହସ୍ତଶିଳ୍ପ ମେଳା ୨୦୧୯ ତଥା ଚତୁର୍ଦଶ ସଂସ୍କରଣ । ହସ୍ତତନ୍ତ୍ର ବୟନ ଶିଳ୍ପ ମନ୍ତ୍ରୀ ପଦ୍ମୀନୀ ଦିଆନ ଏହି ମେଳାକୁ ଉଦଘାଟନ କରିଛନ୍ତି । ଚଳିତ ବର୍ଷ ତୋଷାଳୀ ମେଳାରେ ୩୮୦ଟି ଷ୍ଟଲ ପଡିଥିବା ବେଳେ ପାଖାପାଖି ୫୦ଟି ଫୁଡ୍ ଷ୍ଟଲ୍ ପଡିଛି। ଉଦଘାଟନୀ କାର୍ଯ୍ୟକ୍ରମରେ ହସ୍ତଶିଳ୍ପୀରେ ଉଲ୍ଲେଖନୀୟ ଅବଦାନ ପାଇଁ ୧୨ ଜଣଙ୍କୁ ସମ୍ମାନୀତ କରାଯାଇଛି ଓ ଏହି ତୋଷାଳୀ ମେଳା ଆସନ୍ତା ୨୭ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ବେଳେ ବିଗତ ବର୍ଷ ମାନଙ୍କ ପରି ଚଳିତ ବର୍ଷ ମଧ୍ୟ ଭଲ ବ୍ୟବସାୟ ସହ ଲୋକ ମାନଙ୍କ ଗହଣରେ ଆଦୃତ ହୋଇ ପାରିବ ବୋଲି ମନ୍ତ୍ରୀ ଆଶାବ୍ୟକ୍ତ କରିଛନ୍ତି।