୬ ବର୍ଷ ପରେ ବଲିଉଡ଼୍‌କୁ ଫେରୁଛନ୍ତି ମୁନ୍ନା ଭାଇ

0 17

ମୁମ୍ବାଇ:ମୁମ୍ବାଇ ବୋମା ବିସ୍ଫୋରଣ ମାମଲାରେ ଜେଲ ଦଣ୍ଡାଦେଶ ଭୋଗୀ ମୁକୁଳିଥିବା ମୁନ୍ନା ଭାଇ ଓରଫ୍‌ ସଂଜୟ ଦତ୍ତ ପୁଣି ଥରେ ବଲିଉଡ଼୍‌କୁ ଫେରୁଛନ୍ତି । ସେ ଏକ ତେଲୁଗୁ ଫିଲ୍ମର ହିନ୍ଦୀ ସଂସ୍କରଣ (ରିମେକ୍‌)ରେ ନଜର ଆସିବେ । ୨୦୧୦ରେ ଆସିଥିବା ଦେବା କଟ୍ଟାଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ପ୍ରସ୍ତାନମ୍‌’ର ହିନ୍ଦୀ ରିମେକ୍‌ରେ ସେ ଅଭିନୟ କରିବେ । ତାଙ୍କ ମା ନରଗିସ୍‌ ଦତ୍ତଙ୍କ ଜନ୍ମ ଦିନ ଅବସରରେ ସେ ଏହାର ସୁଟିଂ କାର୍ୟ୍ୟ ଆରମ୍ଭ କରିବେ ବୋଲି ଜଣାପଡ଼ିଛି ।

ଦୀର୍ଘ ୬ ବର୍ଷ ପରେ ସଂଜୟ ପୁଣି ଥରେ ଅଭିନୟ ଦୁନିଆକୁ ଫେରୁଛନ୍ତି । ଅଧାରେ ରହିଥିବା ଆଶୁତୋଷ ଗୋବରିକରଙ୍କ ଫିଲ୍ମ ପାନିପଥରେ ସେ ମଧ୍ୟ କାମ ଆରମ୍ଭ କରିବେ । ଏହା ସହିତ କରଣ ଜୋହରଙ୍କ ଫିଲ୍ମ ‘କଲଙ୍କ’ରେ ମଧ୍ୟ ନଜର ଆସିବେ । ଏଥିରେ ସଂଜୟଙ୍କ ସହିତ ବଲିଉଡ଼୍‌ ଧକ୍ ଧକ୍‌ ଗାର୍ଲ ମାଧୁରୀ ଦୀକ୍ଷିତ ମଧ୍ୟ ଏକ ଗୁରୁତ୍ୱ ଭୂମିକାରେ ଅଛନ୍ତି । ଏହାର ସୁଟିଂ ଆରମ୍ଭ ହୋଇ ସାରିଛି ।

ତେବେ ଖୁବ୍‌ ଶୀଘ୍ର ସଂଜୟ ଦତ୍ତଙ୍କ ଜୀବନକୁ ନେଇ ତିଆରି ହୋଇଥିବା ଫିଲ୍ମ ‘ସଂଜୁ’ ମୁକ୍ତିଲାଭ କରିବାକୁ ଯାଉଛି । ଯେଉଁଥିରେ ରଣବୀର କାପୁର ସଂଜୟଙ୍କ ଚରିତ୍ର କରିବେ । ଏଥିରେ ମନୀଷା କୋଇରାଲା, ପରେଶ ରାୱଲ୍‌, ସୋନମ କାପୁର, କରିସ୍ମା ତନ୍ନା ଓ ଦିୟା ମିର୍ଜା ମଧ୍ୟ ଭୂମିକାରେ ରହିଛନ୍ତି । ସଂଜୁ ଆସନ୍ତା ଜୁନ୍‌ ୨୦ ତାରିଖରେ ସିନେମା ହଲ୍‌କୁ ଆସିବ ।

Leave A Reply

Your email address will not be published.